Şoreş, kurikekî 13 salî ye ku ji betaliya xwe bêzar e. Lê rojekê, di nav garaja kevin a dapîra xwe de, amûrekî kevnar ê ku jiyana wî bi tevahî diguherîne, dibîne. Ev amûr ne saet e, lê deriyê dîrokê ye!

Şoreş, bi dengê strana Kurdî, xwe di nav dîrokê de dibîne û bi mezintirîn kesayetiyên gelê xwe re tê cem hev:

• Selahedînê Eyyûbî, jê re hîn dike ku hêza rastîn di dadê û yekîtiyê de ye.

• Ehmedê Xanî, jê re nîşan dide ku ziman ne tenê peyv in, lê bîra gelekî ne.

• Zanyarê Cezerî, wî fêrî hêza xeyal û zanistê dike.

• Celadet Alî Bedirxan, wî bi girîngiya nivîsînê û parastina nasnameyê nas dike.

• Dengbêja Meryem Xan, dilê gelê Kurd di nav stranan de dide wî.

• Apê Mûsa (Mûsa Anter), jê re dibêje ku bîranîn, berxwedana herî mezin e.

Şoreş vedigere malê, lê ew êdî ne kurikekî bêzar e. Ew niha xwediyê mîrateyeke mezin e ku divê biparêze û ji nifşên pêşerojê re bigihîne.

Gelo Şoreş dikare vê rêwîtiya bêhempa û mîrateya giran bi hevalên xwe re parve bike û dîroka xwe ji nû ve zindî bike?

Di nav rûpelên vê pirtûkê de, beşdarî serpêhatiya Şoreş bibin û riya ku wî nasnameya xwe ya kevnar dît keşf bikin.